შეხვედრა სტამბოლის ეკონომიკური სამიტის აღმასრულებელი საბჭოს თავმჯდომარესთან

შეხვედრის ფარგლებში მხარეებმა სტამბოლის ეკონომიკურ სამიტში, რომელიც 2025 წლის 11-12 დეკემბერს გაიმართება, ქართული მხარის შესაძლო მონაწილეობის საკითხი განიხილეს. აღინიშნა ორ ქვეყანას შორის არსებული მზარდი ეკონომიკური კავშირები და თანამშრომლობის გაღრმავების პერსპექტივები, მათ შორის, რეგიონულ ეკონომიკურ ფორუმებზე მონაწილეობის მეშვეობით.

სტამბოლის ეკონომიკური სამიტი არის საერთაშორისო ღონისძიება, რომელშიც ყოველწლიურად მონაწილეობას იღებენ პოლიტიკოსები, ბიზნეს ლიდერები და ექსპერტები მსოფლიოს სხვადასხვა ქვეყნიდან ეკონომიკური ტენდენციების, ინოვაციებისა და მდგრადი განვითარების საკითხების განსახილველად, ასევე საერთაშორისო თანამშრომლობისა და ინვესტიციების წასახალისებლად.